تسجيل الدخول للدخول بحسابك أو انقر هنا إذا لم يكن لديك حساب.

شكرا علي امانتك - عبدالرحمن الشيمي من محافظة الفيوم معثور عليه

منذ 8 أشهر مصوغات و مبالغ مالية الهرم   108 مشاهدات

0.0 نجمة

المنطقة/المدينة: الهرم

أنا عايز  أشكر عبدالرحمن الشيمي من قرية النزله - مركز يوسف الصديق- محافظة الفيوم .. على امانتك اللي بقت عملة نادرة

يسلم ال رباك


و ده سبب شكري له لانه نموذج نتشرف بيه:


لما تبقى ماشى فى شارع في فيصل وتلاقى شنطه فى الارض جنب فرع فودافون يشاء القدر انك تاخدها و تفتحها تلاقى فيها 150 الف جنية .. متصدقش نفسك

تلف و ترجع تخش فرع فودافون اللى جنبك وتسأل فى حد ضايع منة فلوس يقولولك لا مفيش ياباشا

يقولهم دة رقم تليفونى لو حد ضايع منة فلوس خلية يكلمنى
بعد ساعه ييجى تليفون من راجل عندعنده بتاع ٥٠ سنة بيموت من الموقف و بيفكر فى اولادة و مراته اللى هيتبهدلوا و هيتحبس وان محدش هيصدق ان الفلوس دي ضاعت منه او وقعت .. ويقوله ابوس ايديك دي فلوس شغل و رايح اوردها فى المصنع

يرد عليه ويقوله : متقلقش انت فين وانا اجيلك

قاله انا فى الفرع اللي سبت فيه رقمك .. يروحلة و كان الراجل فى ذهول و مش مصدق نفسه و كل الناس مش مصدقه اللى بيحصل

والراجل يطلع فواتير تثبت ان المبلغ يخصه بـ ١٥٠,٧٥٠ .. و يقوله انا كل اللى احتكم عليه فى الفلوس دي هي ٢٠ جنية اكرامية من صاحب المحل .. و فضل يشكر فيه بطريقة متتوصفش